യുദ്ധത്തെക്കുറിച്ച് എഴുതപെട്ടതെല്ലാം നിനക്കറിവുള്ളതല്ലെ...?പക്ഷെ നിനക്കറിയാത്തതൊന്നു കൂടെ പറയാം...
ഗോവർദ്ധൻ ചരിത്രത്തിലെക്കെന്ന പോലെ പുറത്തെ ഇരുട്ടിലേക്ക് നോക്കിയിരിക്കുകയായിരുന്നു..ഇരുളിന് കട്ടി കുറഞ്ഞ് വരുന്നതായി അവന് തോന്നി...
'കുഞ്ഞേ..'കുഞ്ഞുകുഞ്ഞു കർത്താവ് ആ കഥ പറയാൻ തുടങ്ങിയപ്പോഴാണ് ഗോവർദ്ധൻ പൊടുന്നനെ അയാളിലെക്ക് തിരിച്ചെത്തിയത്..അയാളുടെ മുടിയിഴകൾ തീജ്വാലകൾ പോലെ പിന്നിലേക് പറക്കുന്നുവെന്ന് അവന് തോന്നി..പ്രൗഢഗംഭീരമായ അയാളുടെ മുഖത്ത് ചില പാടുകൾ അവൻ ശ്രദ്ധിച്ചതപ്പോഴാണ്....വാസൂരിക്കല പോലെയെന്തോ ഒന്ന്..! പക്ഷേ താനതെങ്ങനെ ഇത്ര നേരം ശ്രദ്ധിക്കാതെ പോയിയെന്ന് അവൻ അത്ഭുതപെട്ടു...
ചരിത്രത്തിന്റെ നേർപകർപ്പാണ് കുഞ്ഞു കുഞ്ഞു കർത്താവ് എന്ന് അവന് മുൻപേ തന്നെ തോന്നിയിരുന്നു.....കാലം തീർക്കുന്ന അടരുകൾ ഏടുത്ത് മാറ്റുമ്പോൾ ചരിത്ര സത്യങ്ങൾ അനാവൃതമാവുന്നത് പോലെ..കഥകളിൽ നിന്നും കഥകളിലേക്ക് കുഞ്ഞുകുഞ്ഞു കടക്കുമ്പോൾ അദ്ദേഹത്തെ താൻ കൂടുതൽ വ്യക്തമായി കാണുകയാണ് എന്ന് അവന് തോന്നി..
ഒരു പക്ഷെ അയാളിലൂടെ താൻ തന്നിലേക്ക് തന്നെ കൂടുത്തൽ അടുത്തു കൊണ്ടിരിക്കുകയാണെന്നും അവന് തോന്നി...
മുത്തച്ഛാ...ആ വസൂരിക്കലകൾ.....? തന്റെ സംശയം തീർക്കാൻ തന്നെ അവൻ തീരുമാനിച്ചു
'പറയാം....' കുഞ്ഞുകുഞ്ഞ് കഥയിലേക്ക് കടന്നു...
No comments:
Post a Comment